Skorrdalssetur

Það er djúpt á réttlætinu á Íslandi, annað er ekki hægt að segja. Lögreglan fylgist með dómstólunum – fólk er ákært fyrir að standa á rétti sínum.

Reyndar virðist eitthvað vera að rofa til, miðað við fréttir vikunnar um ákærur, handtökur og gæsluvarðhaldsúrskurði – sem fengu harða gagnrýni úr ótrúlegustu áttum. Það er með ólíkindum að fylgjast með þessu öllu saman – og Sigurður Einarsson toppar svo allt saman, með því að neita að mæta til Sérstaks saksóknara. Svo ég nefni ekki viðtal við ákveðin ráðherra í upphafi viku.

Lesa restina af þessari færslu →

Var hann ekki kosinn í almennum þingkosningum? Býr hann ekki í sama samfélagi og ég, þar sem samkeppni er ekki litin hornauga, heldur samþykkt sem rekstrargrunnur – þótt svo farið hafi lítið fyrir slíkri “samkeppni” síðustu áratugina? Á hvaða öld er Jón Bjarnason “ráðherra” staddur? Er sú öld ekki liðin – fyrir löngu? Það er sem mig minnir það, en undanfarið hefur mér ég frekar vera staddur í samfélagi á sýru, frekar en í alvöru samfélagi fólks sem stefna sínu lífi á framtíðina…

Vísir.is:

Smellið til að stækka

Lög nr. 44/2005 – 11.gr:

Misnotkun eins eða fleiri fyrirtækja á markaðsráðandi stöðu er bönnuð.

Misnotkun skv. 1. mgr. getur m.a. falist í því að:

• a. beint eða óbeint sé krafist ósanngjarns kaup- eða söluverðs eða aðrir ósanngjarnir viðskiptaskilmálar settir,
• b. settar séu takmarkanir á framleiðslu, markaði eða tækniþróun, neytendum til tjóns,
• c. viðskiptaaðilum sé mismunað með ólíkum skilmálum í sams konar viðskiptum og samkeppnisstaða þeirra þannig veikt,
• d. sett sé það skilyrði fyrir samningagerð að hinir viðsemjendurnir taki á sig viðbótarskuldbindingar sem tengjast ekki efni samninganna, hvorki í eðli sínu né samkvæmt viðskiptavenju.

Lög nr. 44/2005 – 12.gr:

Samtökum fyrirtækja er óheimilt að ákveða samkeppnishömlur eða hvetja til hindrana sem bannaðar eru samkvæmt lögum þessum eða brjóta í bága við ákvarðanir skv. 16.–18.

Lög nr. 44/2005 – 33.gr:

Samningar, sem brjóta í bága við bannákvæði laga þessara, eru ógildir.

Silfur Egils:

Smellið til að stækka - Mæli með lestri athugasemda...

RÚV.is:

Smellið til að stækka

Og svo kemur rúsínan í pylsuendanum:

Vísir.is:

Smellið til að stækka

Stjórnarskrá Íslands:

Lög nr. 33/1944 – 65.gr:

Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti.

Er ekki eitthvað bogið við framsögu þessa steingerfings? Viljum við, í okkar samfélagi í dag, virkilega hafa slíkan einstakling í Ríkisstjórn? Í alvöru?